Տրանսլիտն այնքան է ընդունվել մեր հասարակության կողմից, որ որոշ ինտերնետ պրովայդերներ նույնիսկ իրենց գովազդային պաստառները փողոցներում կպցնում են տրանսլիտ հայերենով գրված: Խոսքս սրա մասին է`

Տրանսլիտ գովազդ մեր փողոցներում

Էստեղ մեղքը չգիտեմ ինչքանով է պատկանում դիզայներին, ինչքանով տվյալ ընկերությանը, ու ինչու չէ, նաև տպարանին: Ամեն դեպքում երևույթն իմ կողմից անընդունելի է և ով ինչպես ուզում է թող հասկանա այս գրառումս:

ԵՍ ԴԵՄ ԵՄ ՏՐԱՆՍԼԻՏ ՀԱՅԵՐԵՆԻՆ…..

Նույն բրուտ-ֆորսն է, բայց կատարելագործված այն իմաստով, որ հիմա արդեն աշխատում է ոչ թե ծրագիր, այլ սկրիպտ, որը տեղադրվում է ինչ-որ սերվերի վրա և միանգամից նշանակետ է տրվում ոչ թե մեկ բլոգ, այլ բազմաթիվ բլոգներ: Այս դեպքում սկրիպտը փորձում է գաղտնաբառ գտնել բոլոր տրված բլոգների համար և տվյալները պահել բազայում:

SANS Internet Storm Center-ը նշում է, որ բրուտ-ֆորս հարձակումները մեծ տարածում ունեին մինչ այժմ, իսկ այս նոր կատարելագործված տարբերակն արդեն այլ հարթակի վրա է բարձրացնում մեթոդի վտանգավորությունը:

Իսկ ի՞նչ եմ առաջարկում ես: Եթե մինչև հիմա վտանգ կար, հիմա արդեն այդ վտանգը քառապատվել է, և ժամանակն է.

1. Որպեսզի բլոգերները իրենց բլոգների գաղտնաբառերը դարձնեն ԴԺՎԱՐ հիշվող, իմաստ չունեցող բառեր և արտահայտություններ: Ցանկալի է օգտագործել 8-ից ավելի սիմվոլներ, որտեղ կլինեն գոնե մեկ հատ մեծատառ, գոնե մեկ հատ փոքրատառ, անպայման լինեն թվեր և հատուկ նշաններ: Ավելի լավ պատկերացնելու համար բերեմ գաղտնաբառի օրինակ` Yo19agil$: Ճիշտ է, այս գաղտնաառը հիշելը դժվար է, բայց այսպիսի գաղտնաբառով Ձեր բլոգը պաշտպանելը բարձրացնում է Ձե’ր անվտանգ է:
2. Որպեսզի արգելափակեք Ձեր բլոգի ադմինիստրացիոն հատված մուտք գործելու ֆորմայում տվյալներ մուտքագրելու քանակը: Այս հարցում Ձեզ կօգնեն պլագինները, որոնցից մեկը ես կառաջարկեմ, բայց եթե ԴԵՄ ԵՔ, փնտրեք նմանատիպ պլագիններ, բայց ուշադիր եղեք, որպեսզի այն wordpress-ի կայքում միջինից բարձր վարկանիշ ունենա, այլապես հենց այդ պլագինը կարող է բաց տեղեր ունենալ: Ես առաջարկում եմ տեղադրել Limit Login Attempts պլագինը, որի ռեյտինգը 4.5 միավոր է /5 միավորից/: Թե ինչպես տեղադրել այս պլուգինը, կարդացեք այստեղ, իսկ ես մի քանի բառով ասեմ, որ այս պլուգինը թույլ է տալիս ադմինիստրացիոն հատվածից սահմանափակել փորձարկումների քանակը, մուտք գործողներին ցույց է տալիս, թե քանի տարբերակ է մնացել փորձելու համար, դե իսկ սահմանված թիվն անցնելուց հետո այդ IP-ն արգելափակվում է և Ձեզ, որպես ադմինիստրատոր, էլ.նամակ է ուղարկվում, որտեղ նշվում է, որ կայք ներխուժելու փորձեր են եղել:

Դե ինչ… այսքանը: Ապահով եղեք, պաշտպանեք Ձեր ունեցածը:

Իսկ գիտե՞ք արդյոք, որ 2005թվականից սկսած, օգոստոսի 31-ը (31.08) տոնում են “ԲԼՈԳԻ ՕՐ”-ը: Ավելին, երբ առաջին անգամ 2005 թվականին տոնեցին այդ օրը, դրանից հետո միանգամից Գուգլը ինդեքսացրեց 30.000 նոր էջեր, իսկ 2007 թվականին հենց այդ օրը նաև կազմակերպվեց “Best Of Blog 2007″ ամենամյա մրցանակաբաշխությունը:

“Բլոգի օր” տոնի մասնակից-բլոգերների “պարտականությունները” ահա այսպես է սահմանում տոնի վերաբերյալ պաշտոնական կայքը: Այդ օրը յուրաքանչյուր մասնակից-բոլգեր`

1. Պետք է բացահայտի իր համար մինչ այդ անհայտ եղած գոնե 5 հատ նոր բլոգներ և տեղեկացնի դրանց մասին,
2. Այդ 5 բլոգների տերերին` բլոգերներին, պետք է տեղեկացվի, որ իրենց բլոգն է ընտրվել որպես օրվա բացահայտում,
3. Գրել առանձին հոդված, որի մասին կպատմվի այդ 5 բլոգներից յուրաքանչյուրի մասին` անպայման հղումներով:
4. Հրապարեկել այդ հոդվածը միայն և միայն օգոստոսի 31-ին (ոչ ուշ և ոչ շուտ),
5. Ստեղծել նոր ԱՄՊ (TAG)` BLOG DAY անունով, օգտոգործելով հղումներ դեպի http://technorati.com/tag/BlogDay2008/ և http://www.blogday.org:

Դե, իսկ այս ամենից հետո արդեն կարելի է մի լավ խմել` ով ինչ խմիչք կնախընտրի:

Երևի այսքանը, մնում է սպասել 2010 թվականի օգոստոսի 31-ին` մի լավ խմելու առիթ կլինի :

Այդ երեք օրերը Ծաղկաձորի Երիտասարդական Կենտրոնի 4-րդ հարկի բոլոր սենյակներում “շուխուռ” էր` նույնիսկ գիշերները, երբ “Մաֆիա” խաղացողները, բոլորը կարմիր խաղաքարտերով, անվերապահորեն կասկածում էին արդեն բոլորին, նույնիսկ իրենք իրենց:

Մի խոսքով, առաջին իսկ օրվա ծանոթացումից հետո, ես ներքուստ շատ գոհ էի “Համահայկական Երիտասարդական Միջազգային Կենտրոն” հիմնադրամի անդամներից, որ ես ել եմ մասնակցում այդ սեմինարին:

Խոսեցինք, բանավիճեցինք, քննարկեցինք livejournal-ի “հայկական համայնքի” մասին, որոշները հենց այդ օրերին ինտեգրվեցին այդ “համայնքին”` սպասելով “Pigh“-ի խոստացած մեկ ավել հղմանը:

Տիգրան Տերտերյանը, իմ խորին համոզմամբ միանշանակ խաղաց “կարմրական խաղ”` սկսնակ ու արդեն հայտնի բլոգերներին ներկայացնելով wordpress համակարգի լավ ու վատ կողմերը:

Դե, մենք էլ, ներկայացրեցինք ArmFeeds.com-ը և պատասխանելով բլոգերների ու ոչ բլոգերների հարցերին, հուսով եմ “լուսավորեցինք” այս համակարգի վերաբերյալ որոշների մոտ առաջացած “մութ” հարցերը:

Երևի այսքանը, ու հույս ունեմ Google-ը այս գրառումս վատ չի ընդունի` բազմաթիվ հղումների համար…

P.S.

Շնորհակալություն Քրիստինե Ասատրյանին շատ լավ կազմակերպչական հմտություններ ցուցաբերելու համար, իսկ Արինա Սարգսյանին և Մարինե Թեքնեջյանին` “Մաֆիա” խաղը գերազանց վարելու համար…