Blog of Vardan Grigoryan » հիշողություններ http://grigoryan.biz/blog Մի վեբ ծրագրավորողի բլոգ Mon, 30 Aug 2010 20:15:45 +0000 en hourly 1 http://wordpress.org/?v=3.0.1 Blog of Vardan Grigoryan http://0.gravatar.com/avatar/4c04620d6c47da968076d22b9708921f?s= http://grigoryan.biz/blog Մանկութիւնս կամ մի դիզայների մասին :Ճ http://grigoryan.biz/blog/2010/06/17/%d5%b4%d5%a1%d5%b6%d5%af%d5%b8%d6%82%d5%a9%d5%ab%d6%82%d5%b6/ http://grigoryan.biz/blog/2010/06/17/%d5%b4%d5%a1%d5%b6%d5%af%d5%b8%d6%82%d5%a9%d5%ab%d6%82%d5%b6/#comments Thu, 17 Jun 2010 19:54:41 +0000 Vardan Grigoryan http://grigoryan.biz/blog/?p=353 Էսօր Ֆեյսբուքում խմբի հրավեր էի ստացել, մի վեբ կայքի ֆեյսբուքյան խումբ էր: Սովորությանս համաձայն հայկական կայքերն անպայման մտնում եմ: Ու նման մի սովորության համաձայն կամ բնազդաբար անպայման կայքի ամենաներքևում նայում եմ կայքը սարքողների անունները: Շատ հետաքրքիր բան տեղի ունեցավ…Երբ կարդացի դիզայների անունը: Հիշեցի մի քանի տարի առաջ, երբ նոր էի մտնում վեբ-ի ասպարեզ, ու էն ժամանակ դեռ ֆրինետն էր մզզցնում :D , ես շատ-շատ էի հավանում մի աղջիկ վեբ դիզայների գործերը: Չգիտեմ ուրիշներին ինչքանով ա ծանոթ Thiternik անունը, բայց իմ մեջ դեռ “մանկութիւն”-ից տպավորվել էր, ու գիշերվա հազարին էլ վեր կացնեին, ասեին Թիթեռնիկն ով ա, անունն ինչ ա, միշտ էլ կպատասխանեի Էմմա Գրիգորյան /չնայած` ոչ մի կայքում հայերեն տառերով չեմ տեսել նրա անունը ու ավելի տպավորվել էր մեջս հենց լատինատառը. Emma Grigoryan /: Գովազդ չեմ համարի ու անպայման կնշեմ նրա գուցե ամենաառաջին, գուցե ոչ առաջին կայքի հասցեն` http://users.freenet.am/~thiter/ : :D

Պարզվեց Թիթեռնիկը վերջերս լավ էլ սոցիալական ակտվիություն ա ցուցաբերում, իսկ ինձ առիթ չի եղել նրան տեսնել, կամ էլ տեսել եմ, ու չեմ իմացել, որ դա ինքն ա: Ամենազարմանալին ինձ համար այն էր, որ ոչ մի տեղ չգտա նրա կայքի հասցեն: Գուցե չունի՞…

Մեկը մյուսի հետևից գտա նրա ԲլոգՍփոթյան  և ԼայվՋրնլյան բլոգների հասցեները: Սովորությանս համաձայն չհավանեցի, երբ բլոգում գրում էր տրանսլիտ հայերենով, բայց դե…ստեղ էն ասել, քո հավանությանը սպասող էլ չկար:  Շատ-շատ հավանեցի Ֆոտոդոմ-ի տիրությում գտնվող նրա ֆոտոկայքը ու Ֆեյսբուքյան նկարները: Եվ վերջում… Շատ զարմացա, երբ բլոգում ինչ-որ տեղ կարդացի, որ ամուսնացած է… Չնայած, եթե հիշողությունս չի դավաճանում… Նա պիտի որ իմ տարիքին լիներ… Հմ…այսինքն տանն ե՞մ մնացել… :D

Հանճարեղ Գուգլը Thiternik-ի մասին ողջ ինֆորմացիան կտա ցանկացած մարդու, դրա համար էլ ոչ մի ուրիշ հղում չեմ դնում նրա կայքերից :D

Բայց հիշողությունները հաճելի էին, որովհետև էն ժամանակ նա իմ ոգեշնչման աղբյուրն էր, ու նորից գտա :D Չնայած ասեմ, որ համարյա ծանոթ էլ չենք :D

]]> http://grigoryan.biz/blog/2010/06/17/%d5%b4%d5%a1%d5%b6%d5%af%d5%b8%d6%82%d5%a9%d5%ab%d6%82%d5%b6/feed/ 5 Պատմական ակնարկ իմ ինտերնետիզացման մասին http://grigoryan.biz/blog/2010/03/04/my-i-history/ http://grigoryan.biz/blog/2010/03/04/my-i-history/#comments Thu, 04 Mar 2010 16:03:51 +0000 Vardan Grigoryan http://grigoryan.biz/blog/?p=290 Բոլորն էլ ինչ-որ բանից սկսում են ինտերնետի հետ իրենց ծանոթությունը: Այսօրվա օգտվողների համար սկիզբն արդեն դրված է. օդնոկլասնիկը չի թողնի, որ դուք ապրեք առանց ինտերնետի հետ ծանոթանալու: Իսկ 2001-ին, երբ ես 8-րդ դասարանում էի, ոչ մի օդնոկլասնիկ էլ չկար:

Դպրոցը նոր համակարգիչներ էր ստացել, և վերջապես ազատվել էինք սովետական БК համակարգիչներից: Մենք իհարկե առաջինը չէինք, որ օգտվում էինք այդ համակարգիչներից, բայց մեզանից տարիքով մեծերից ընդհամենը մի քանիսն էին հետաքրքրվում դրանցով:

Երբ հերթը հասավ մեր դասարանին, ես անտարբեր չմնացի: Ու երբ մեր կենսաբանության դասատուն ասում էր “Հեսա կգնաք ձեր չոր թվերով կապրեք”, ես միևնույն է համոզված էի, որ իմ թվերը չոր չեն լինի: :)

Մի խոսքով km.ru կայքի չաթ-ն առաջին տեղն էր, որ մենք դասարանցիներով մտնում էինք ու խոսում ռուս աղջիկների հետ: Հետո ինչ-որ ՄԱՆԳՈ-ի նման բառ էր, չեմ հիշում, նման անունով մի ինտերնետ խանութ կար, ու քարտեր էր տալիս, ես էլ գրանցվել էի, ու փոստով ուղարկեցին: Քարտը երկար ժամանակ պահում էի գրպանումս, չնայած որ հաշվի վրա ընդհամենը 20 միավոր կար, ու ամեն ամիս 5 միավոր կայքը իբր նվիրում էր: Իսկ ես մեծ հույսեր ունեի որ որոշ ժամանակ անց կկարողնամ 3000 միավորանոց ինչ-որ բան առնել: :)

Հա, մոռացա նշել, որ km.ru-ի մի աղջկա սիրահարվել էի: Զանգում էի, խոսում էինք, ռուսերենս էի զարգացնում :) :-D : Դե հետո ի՞նչ, հետո մի օր էլ նա չուզեց հետս խոսել ու տենց պրծավ-գնաց: Եվ ես, “խորին վշտով” ինձ նվիրեցի ուսմանը:

Համակարգչային կենտրոն ունեինք դպրոցում, որտեղից էլ հենց ինտերնետ էինք մտնում, ու կենտրոնի աշխատակիցներից մեկը “վեբ դիզայն գիտեր”: Մի օր էլ, երբ ես նրան խնդրեցի ինձ սովորեցնել, նա միանգամայն լուրջ հայացքով ասաց. “Գրանցվիր պարապմունքներին, վճարիր ու կսովորես”: Ու ես կրկնակի խորին վշտով ինձ նվիրեցի ընդունելության քննության պարապմունքներին:

Ընդունվեցի, ու հենց առաջին բանը որ արեցի, համակարգչիս մեջ տեղադրեցի FrontPage ծրագիրը և սկսեցի քրքրել: Ու քրքրումներիս առաջին ցուցադրական արդյունքն եղավ դեռևս այն ժամանակ գերհայտնի freenet ցանցում իմ կայքը, որտեղ տեղադրեցի իմ բանաստեղծությունները (մանկուց այդ տաղանդը մեջս զգացել էի :-D ): Մոռացա նշեմ, որ այդ ընթացքում km.ru-ն մոռացվեց, ու ես արդեն “չաթ էի անում” հայ աղջիկների հետ` erevan.august4u.ru կայքում:

Էդպես տարիներն անցան, ես արդեն հմտանում էի վեբ դիզայնի մեջ, փոխվում էին նաև չաթ-երը, որտեղ ես ժամանակ էի անցկացնում: Իրար հետևից հայտնվեցին titan.am, skizb.am ու մի շարք իրար նման ու նույն դվիժոկով աշխատող չաթ-երը, որոնցից բոլորում ես կայի, ու ակտիվ “գործունեություն էի ծավալում”: Հետո եկավ մի շահ, որ ես ու ընկերներս որոշեցին մեր սեփական կայքը ստեղծել, որը կունենա նաև չաթ: Անվանեցինք այն mult.am և սկսեցինք chat.mult.am-ի ՓիԱռ-ային գործունեությունը:

Չգիտեմ կարդացողներից քանիսն է եղել նշածս չաթերում, բայց երևի գիտեք, որ այս չաթերում կար SU (Super User) պաշտոն: Ու մենք մեր չաթում մի քանի հոգու նվիրեցինք այդ պաշտոնները` ակնկալելով նրանց կողմից մարդկանց ներքաշում:

Էհ… mult.am-ում ընդհամենը սկսեց աշխատել չաթը, քանի որ մնացած մասը ուղղակի չէի հասցնում սարքել:

Լավ ժամանակներ էին, անհոգ էի ու ամեն ստից բանից ուրախանում էի:

Եվ ահա մի օր հասկացա, որ ես ուզում եմ DJ դառնալ: Որտեղից որտեղ ծանոթացա Վարդան Պապիկյանի հետ (CJ VARDAN անուն ուներ էն ժամանակ), որոշեցինք երկուսով պրոյեկտ կազմել: Երկար չգրեմ, մի խոսքով ստեղծեցինք պրոյեկտը` NUCLEAR անունով, կայքը սարքեցինք ու… Ու հովանավոր գտնելու ճանապարհին մենք հասկացանք, որ ավելի լավ կլինի զբաղվել վեբ կայքերի պատրաստմամբ:

Էդպես էլ ստեղծվեց Սեկտոր Ստուդիան, հետո …բազմաթիվ վերանվանումներից հետո, եկանք հասանք NEOMEDIA-ին:

—- Էստեղ գնաց գովազդը —-

Ո՞վ կպատկերացներ, որ DIAL-UP կապով այդքան հիացած իմ նման տղան, հիմա չի բավարարվի 512 Կբիթ/վրկ.  սիմետրիկ արագությամբ, ու կկնքի պայմանագիր FastClick-ի հետ` 1024 Կբիտ/վրկ սիմետրիկ արագության համար, և ընդհամենը 11.000 դրամով:

—- Գովազդի վերջ —-

Հիմա երևի չեք պատկերացնում, բայց ինձ շատ լավ եմ զգում: Հիշողություններս էնքան հաճելի էն ու պատկերավոր, որ ուզում եմ նորից մի երկու-երեք օրով գնալ հին ժամանակներ: Երանի կարողանայի:

]]> http://grigoryan.biz/blog/2010/03/04/my-i-history/feed/ 4